(18/10/2020) 沙田日賽晨操精選

第2場   恆駿寶駒  趁好盡用

「恆駿寶駒」(4號馬) 前次於同程排1檔，用跟前跑法得第三，只負於超班馬「鎧運之星」一個馬位，而能跑贏剛戰贏馬的「心中有您」，可見在四班份量十足。上次排11檔，轉彎走3,4疊，敗不足據。今次抽回3檔，可望再用前次的跟前跑法，形勢甚有利，對手亦比前次弱，力足言勝。

這匹9歲老馬晨操快跳精神爽利，馬身依然脹卜卜，單看外觀絕無老態，老馬趁好定必盡用，勿因屬馬房第二選擇後備補出而輕視，論跑法比同馬房的大熱門「合夥年代」安全，值博率更高。

冷腳可博「緻寶駒」(2號馬) 及 「冰雪聰明」(12號馬)。「緻寶駒」上季晨操動作綳緊，馬身養唔壯，明顯未適應水土，但亦曾在三班同程輸得接近。今季晨操明顯放鬆，馬身也養壯不少，與上季判若兩駒，看來北上從化特訓大有幫助，可期望有進步表現，降至四班隨時橫掃，若非細馬負重磅不利，此馬是我首選。

「冰雪聰明」上次已推介 (https://spartanbn118.blogspot.com/2020/09/23092020-hk-horse-racing-tips-at-happy.html)，可惜轉彎被頂在3疊，表現差不能作準，今次賽前快跳依然對版，田泰安亦不肯放手，排2檔形勢遠比上次好，不妨多給一次機會。

 

第4場   海島材子 進步可勝

「海島材子 」上季只得3歲，晨操快跳未上力，但已連番在四班跑得接近，包括曾於同程走3疊與超班馬「帝豪大師」跑近，而跑贏四班中堅「友誼之星」，可見此馬必有質素，未能贏馬只是未夠成熟。

今季轉4歲，晨操快跳明顯比上季爽勁，成熟上力。上次賽前無試閘跑1400米，用騎練合作歷來只得兩次勝利的黃俊，擺明但求熱身，竟然也有上佳表現，跑第四只負個多馬位，第二名「保羅承傳」及第五名「會展達人」再出補中贏馬，第三名「金元寶馬」之後也幾乎打開勝門，賽事水準值得尊重。

今次跑回1600米，換上最近合作贏「胆大威猛」的波健士加強配搭，賽前晨操亦連拍兩課加強準備，排7檔但內側快馬不多，以其前速應可於早段上前移入二疊，形勢未必太差，這匹有質素而進步中的4歲馬可望爭勝。

 

第9場   場場精綵 證明最多

「場場精綵」(2號馬) 北半球自購馬上季竟可一出即勝三班同程，跑贏預期仍有上升空間的「行星夢」及其後於二班一再有好表現的「極速王」，能力實在不簡單。其後升上二班，只負於當時超級神勇的「明駿之星」，而能與今個賽馬日跑二級賽的「錶之智能」幾乎同到終點，證明一出即勝非符碌之作，現時跑回三班根本惡氣十足，上次跑得差全因轉彎走4,5疊望空，落敗與實力無關，可當一場熱身賽。

今次賽前晨操步活如輪，最後試跑亦以拍跳加強準備，感覺馬身比上季養得更壯，狀態甚佳，按理表現應比上季有進無退，排1檔保證不會再走外疊蝕位，形勢大幅好轉。

幾匹明星熱門馬今次分別要面對負重磅、升班及排大外檔等考驗，若牠們表現無明顯進步，要過「場場精綵」這關實在不易，而「場場精綵」的賠率估計會比牠們佳，證明亦更多，論值博率其實最高，馬膽之選。