(18/11/2020) 跑馬地夜賽精選

 第3場   鵲橋飛渡  減磅著數

「鵲橋飛渡」(6號馬) 以往全盛期曾於61分贏馬，今季在評分低位反彈贏兩場，亦只是加回至54分，即使不用周俊樂減磅，照計也有機會再贏一場，如今再用周俊樂減7磅，優勢不言而喻。

今次賽前晨操快跳依然爽勁，狀態無走樣，保持贏馬水準。排1檔預期放頭馬不多，而且上次不放頭而賽後被問話，所以若非慢閘應必定會放頭，如能順利操控步速，大有機會再贏一場。

第5場   豹子膽  升班唔怕

「豹子膽」(11號馬) 上季3歲未成熟，但已在四班兩次跑第四，其中一次跟前跑遇上快步速不利形勢，仍可與強手「平海掌星」跑得接近，多少已顯露了本身質素，在四班根本夠班，只是其後進度欠佳才要降落五班。

今季轉4歲，逐漸成熟並踏入正軌，上次在五班贏馬的時間及姿態都十分出色，結合上季已在四班跑得接近，升回上四班應夠爭。賽前晨操拍跳有火有力，狀態有進無退。排2檔很大機會能貼欄領放，即使早段會受到「過河勁卒」壓迫，但負113磅輕飄飄，放快一點仍可期望憑輕磅一放到底。