(03/02/2021) 跑馬地夜賽精選

第8場   1 輝煌芯   2 永同歡欣   11 三生好運

「輝煌芯」今季在沙田草地1200米跑第三，當時與另外兩匹馬放頭互燒，步速甚快頗為不利，結果只負一個馬位得第三，表現未必比贏馬的「嘉應精英」差，而「嘉應精英」其後轉往跑馬地可再勝一場，可見這類沙田份子的級數確實比跑馬地的對手高。

今次「輝煌芯」照板煮碗轉戰跑馬地，可期望賺點級數，歷來始終以前置跑法表現最好，今次加眼罩應會立心搶前，排4檔應可貼欄放頭或守2,3位競跑。賽前晨操眼看並無不妥，但這匹馬今季表現飄忽，未必能從外觀判斷會否跑出水準，需要有較佳的賠率才值博，如獨贏有8倍或以上，我認為可以一博。

「永同歡欣」二班不足，三班有餘，今次降回三班兼重配贏馬拍檔潘頓，排5檔亦合發揮，是正路的爭勝份子。「三生好運」能力有限，但表現十分可靠，上次於同程走三疊亦跑第二，今次排1檔形勢好轉，可望提升表現，亦有條件一爭。