(17/02/2021) 跑馬地夜賽精選

第4場   7 秒秒精彩

「秒秒精彩」形格討好，步步尺七，論質素絕非一般四班馬。由於此馬步大，性能均速，暫時以放頭跑法最合發揮。今季跑得最好一場就是用周俊樂減磅，出戰沙田草地1400米放頭跑，力戰僅敗跑第二，同場很多對手其後都能贏馬，賽事水準不用懷疑。其後表現倒退，一場未能放頭，另一場增程跑1600米放得太快，暫時未夠氣量應付。

今次轉戰跑馬地1200米，雖然第一次角逐跑馬地，亦未曾於跑馬地試閘，但對手級數明顯較低，而且預期有賠率，有充分的值博率博牠能應付跑馬地急彎。重配周俊樂減磅，排11檔而同場快馬不多，估計應會搶放，貼欄放頭或切入二疊望空也合發揮。早前晨操快跳力度仍欠佳，但早幾日最後試跑已明顯上力，狀態及時提升，今次有機會橫掃對手贏馬。

第7場   11 安逸寧靜

「安逸寧靜」來港前於英國勝出兩場中距離賽事，但上季來港後8次出賽都只出戰短途1200米，明顯只求減分落四班再作打算，結果輸足8場減掉20分，最叻亦只得第七。今季於四班評53分起步，由1200米逐步增程，表現愈來愈似樣。

上場出戰跑馬地1650米，排9檔早段前速頗快，但死捉留後又被頂在三疊跑了一段路程，沿途守9,10位，遇上「慢、快、超慢」的古怪步速，結果全場大部份馬匹都難以在最後400米改變位置，而收復失地最多的就是「安逸寧靜」，由最後400米的第十位追至第五，加上最後800米的段速都是全場最快，雖然跑第五輸三個多馬位，但實際上已造出高難度動作，我認為牠的表現其實是全場最佳。

翻查牠來港前於英國最後一次出賽在雅士谷馬場跑1594米，當時排4檔用前置跑法，沿途守2,3位取勝。今次再跑同程排3檔，估計極大機會用回外地贏馬跑法跟前守好位，同場快馬不多應可賺慢步速，形勢明顯轉佳。現時評分減至45分可負輕磅出賽，同場主要對手與上次相若，但卻要讓牠十多磅，而牠的實力未必較低，大佔便宜。晨操最後試跑相當爽勁，狀態已在勇境，加上形勢及負磅有利，今次有力反敗為勝。