(21/04/2021) 跑馬地夜賽精選

第3場   9 合金皇

「合金皇」以往未懂留力，不論晨操快跳或出賽都比較重口，因此跑法以放頭為主，經常放得甚快下洩氣落敗，不過牠並非全無能力，曾於四班放頭跑第五，差點跑入前三名。

近期出賽其實已沒有以往般重口，所以練馬師也敢於試加羊毛面箍和眼罩，亦嘗試增程跑1400和1600米，可惜表現未有突破。

今次重返暫時跑得較為理想的1200米，賽前晨操最後試跑竟然可以乖乖慢跳一段，沒有一味死走，似乎真的學懂留力，可憧憬出賽會有進步表現。排3檔估計可貼欄守在放頭馬後面，形勢不俗，成為冷門可以一博。

第6場   7 極爽

「極爽」上季評54分贏馬，現時評分跌至51分，今次還要用黃俊減多5磅，計死數絕對有競爭力。從賽績顯示，這匹馬近兩季於跑馬地1200米取勝之前都要先跑幾場，因此今季頭幾場無表現可以理解。

近幾場賽前晨操所見，狀態其實已經跑起，不過練馬師決心要牠試試1400米，結果表現只是一般。今次最大變數是重返贏馬路程跑馬地1200米，用黃俊排12檔應會決心搶放，內側雖然有快馬，但並非一定要放頭，只要夠決心就有機會貼欄領放，能如上季般突如其來贏馬絕不出奇。